Umföllun: Keflvíkingar fengu færin en ekki stigin

Keflvíkingar þurfa enn að bíða eftir fyrsta sigurleiknum á heimavelli sínum efir að þeir tóku Sparisjóðvöllinn sinn í gegn. Keflvíkingar fengu heldur betur færin til þess að vinna nágranna sína í gær en sigurmarkið leit ekki dagsins ljós og því hefur Keflavíkurliðið aðeins náð í 7 stig af síðustu 27 mögulegum.

Það fóru örugglega margir Keflvíkingar heim af vellinum í kvöld óskandi þess að liðið hefði alvöru markaskorara. Liðið hefur oft spilað vel eins og í kvöld en mörkin hafa látið á sér standa. Þetta sést vel á tölfræðinn enda eru mörkin aðeins orðin 13 í 13 leikjum í sumar og markahæstu leikmenn liðsins eru einungis komnir með tvö mörk þegar mótið er miklu meira en hálfnað.

Ólafur Örn Bjarnason var mættur á hliðarlínuna hjá Grindvíkingum í aðeins þriðja sinn þrátt fyrir að hafa verið þjálfari liðsins síðan í lok maí. Nú var Ólafur líka kominn með leikheimild sem hann nýtti ér þegar hann kom inn á sem varamaður 16 mínútum fyrir leikslok. Liðið fékk nokkrar ágætar skyndisóknir á lokamínútunum en tókst ekki að stela sigrinum og gerði því þriðja jafnteflið sitt í röð.

Leikurinn byrjaði mjög fjörlega, bæði lið fengu ágæt færi á upphafsmínútunum og skoruðu síðan bæði með innan við mínútu millibili.

Gilles Ondo kom Grindavík fyrst í 1-0 eftir að stungusendingu Jóhanns Helgasonar lék á rangstöðuvörn Keflavíkur. Jósef Jósefsson komst þá í gegn og lagði boltann á Gilles sem skoraði í tómt markið.

Keflvíkingar brunuðu strax í sókn og Magnús Þórir Matthíasson fann Jóhann Birni Guðmundsson í teignum og Jóhann skoraði með laglegu og óverjandi skoti.

Eftir fjöruga byrjun róaðist leikurinn aðeins og Keflvíkingar náðu betri tökum á leiknum. Þeir fóru hinsvegar ekki á flug fyrr en eftir hálfleiksræðuna frá Willum Þór Þórssyni sem virtist hafa góð áhrif á liðið.

Keflvíkingar byrjuðu seinni hálfleikinn nefnilega af miklu krafti og tóku öll völd á vellinum. Magnús Þórir Matthíasson fékk tvö góð færi og Auðun Helgason bjargaði á marklínu frá Jóhanni Birni.

Grindvíkingar voru í hálfgerðri nauðvörn um tíma en tókst að verjast pressu Keflvíkinga. Vakandi miðverðir, Auðun Helgason og Orri Freyr Hjaltlín, unnu þar gott starf en Keflvíkingar hefðu líka mátt gera betur í mörgum færanna.

Undir lok leiksins gátu Keflvíkingar þakkað Ómari Jóhannssyni markverði fyrir að Gilles Ondo og Scott Ramsey nýttu ekki flott færi eftir skyndisóknir en það breytti því þó ekki að pressa Keflavíkurliðsins hélst út leikinn.

Keflvíkingar eru aðeins búnir að vinna einn af síðustu níu deildarleikjum eða frá því að þeir voru með góða forustu á toppnum í byrjun júní. Þeir fengu færin til að taka öll stigin í gær en vantar eins og áður sagði markaskorarann til þess að koma boltanum yfir línuna.

Keflavíkurliðið situr því áfram í fimmta sæti deildarinnar með markatöluna 13-14 og er aðeins eitt af fjórum liðum Pepsi-deildar karla sem eru með mínus markatölu.

Grindvíkingar eru komnir einu stigi ofar en Selfyssingar og þar með einu stigi frá fallsæti en þeir þurfa að gera betur ætli þeir að losna við falldrauginn. Liðið hefur stórhættulega leikmenn fremst á vellinum og ættu að hafa allt til alls til að skilja lið Selfoss og Hauka eftir á botninum.

Keflavík-Grindavík 1-1

Keflavíkurvöllur

Dómari: Einar Örn Daníelsson (7)

Áhorfendur: 1377

Mörkin:

0-1 Gilles Mbang Ondo (8.)

1-1 Jóhann Birnir Guðmundsson (9.)

Tölfræðin:

Skot (á mark): 16-13 (6-9)

Varin skot:  Ómar 8 - Óskar 3

Horn: 6-4

Aukaspyrnur fengnar: 18-12

Rangstæður: 4-4

Keflavík (4-5-1)

Ómar Jóhannsson 7

Guðjón Árni Antoníusson 5

Haraldur Freyr Guðmundsson 7

Bjarni Hólm Aðalsteinsson 5

Alen Sutej 6

Einar Orri Einarsson 6

Paul McShane 6

(89.,Bojan Stefán Ljubicic  -)

Magnús Sverrir Þorsteinsson 5

(89., Sigurbergur Elísson -)

Hólmar Örn Rúnarsson 6

Jóhann Birnir Guðmundsson 7 - Maður leiksins -

(68., Hörður Sveinsson 4)

Magnús Þórir Matthíasson  6

Grindavík (4-5-1)

Óskar Pétursson 5

Loic Mbang Ondo 4

(55., Grétar Ólafur Hjartarson 4)

Auðun Helgason 7

Orri Freyr Hjaltalín 7

Jósef Kristinn Jósefsson 5

Jóhann Helgason 6

Matthías Örn Friðriksson 5

(76., Ólafur Örn Bjarnason -)

Ray Anthony Jónsson 5

Scott Mckenna Ramsay 5

Hafþór Ægir Vilhjálmsson 4

(68., Óli Baldur Bjarnason 5)

Gilles Mbang Ondo 6