Endurskapaðu líf þitt

Dagsnámskeið sem er ítarlegri útgáfa af vinsælu markmiðakvöldi sem Guðjón Bergmann hefur haldið reglulega síðastliðin tvö ár fer í gang nú á nýju ári. Á því verður farið í gegnum brýna þætti sem geta haft gífurleg áhrif á líf þátttakenda til framtíðar.

Í tilkynningu frá Guðjóni segir að ræætt verði um skilyrðin sem þurfa að vera til staðar svo að fólk geti sett sér raunsæ, áhrifarík og bjartsýn markmið, kennd verður undirstaða í skapandi hugsun, farið verður í grunninn á hraðvirkari lærdómsaðferðum, imprað á lykilatriðum sem tengjast jákvæðri hugsun og rætt um hvað þarf til að verða meistari breytinga.

„Að degi loknum ættu þátttakendur að hafa öðlast skýrari framtíðarsýn og lært markvissar aðferðir til að fylgja henni eftir og bregðast um leið við óvæntum atburðum.

Námskeiðið verður haldið á sjómannaheimilinu Hótel Örk, Brautarholti 29 í Reykjavík, stendur frá 10:00 til 16:00 og kostar aðeins 7.900 kr. Boðið er upp á 20% paraafslátt."

Skráning fer fram á heimasíðu Guðjóns.