Breski þingforsetinn hættir í júní

Tilkynnt hefur verið að Michael Martin, forseti neðri málstofu breska þingsins, láti af störfum 21. júní vegna útgjaldahneykslisins sem skekið hefur breskt þjóðlíf og breskan þingheim undanfarna daga. Daginn eftir tekur verður nýr forseti kjörinn.

Kröfur um afsögn Martins hafa verið háværar síðustu vikuna en skrifstofa þingforstans sér um endurgreiðslur til þingamanna vegna útgjalda og tekur afstöðu til umsókna um slíkar greiðslur. Martin hefur verið gagnrýndur fyrir að hafa ekki hafnað fjölda umsókna um endurgreiðslur síðan hann tók við sem þingforseti árið 2000. Hann þykir einnig hafa tekið illa á málinu eftir að Telegraph hóf að birta upplýsingar úr gögnum sem leikið var til þeirra.

Ann Widdecombe, þingmaður Íhaldsflokksins, gefur kost á sér sem arftaki Martins. Hún hefur tilkynnt að hún ætli ekki að gefa kost á sér í næstu þingkosningum en venjan er sú að þingforsetinn rjúfi öll tengsl við sinn flokk og starfi sem óháður fulltrúi.