Innlent

Þrjú og hálft ár í fangelsi fyrir Hummer-ákeyrslu og íkveikju

Jón Kristinn Ásgeirsson var í morgun dæmdur í þriggja og hálfs árs fangelsi fyrir að hafa ekið Hummer-bifreið á 26 ára gamlan mann í janúar síðastliðnum og fyrir að eiga aðild að því að bera eld að húsi á Kleppsvegi í júní. Frá dómnum dregst 85 daga gæsluvarðhald sem Jón Kristinn hefur sætt. Hann er einnig dæmdur til þess að borga fórnarlambinu frá því í janúar tvær milljónir króna í miskabætur auk þess sem hann þarf að standa skil á málskostnaði.

Málin tvö voru rekin saman í héraðsdómi og var Jón Kristinn ákærður ásamt þeim Ríkharð Júlíusi Ríkharðsyni og Karli Halldóri Hafsteinssyni en þeir voru ákærðir fyrir þátt sinn í brennnumálinu. Ríkharð var dæmdur til tveggja ára fangelsisvistar en frá því dregst 85 daga gæsluvarðhald sem hann hefur þurft að sæta vegna málsins líkt og Jón Kristinn.

Karl Halldór var hinsvegar sýknaður í málinu.

Mennir tóku sér fjögurra vikna frest til þess að íhuga hvort þeir myndu áfrýja málinu til Hæstaréttar Íslands.




Tengdar fréttir

Telja fórnarlambið aldrei munu ná sér

Ungur maður, Jón Kristinn Ásgeirsson, hefur verið ákærður fyrir að valda öðrum manni ævarandi örkumlum með því að aka á hann á Hummer-bifreið í janúar. Jón Kristinn er jafnframt ákærður, ásamt öðrum, fyrir að kveikja í húsi við Kleppsveg í byrjun júní og koma manni sem þar var innandyra í bráða lífshættu.

Bílstjórinn verður ákærður

Bílstjórinn sem grunaður var um að hafa ekið á mann á Laugaveginum um helgina, hefur játað að hafa verið undir stýri og verður ákærður, segir Margeir Sveinsson, lögreglufulltrúi yfir rannsóknardeild umferðarmála hjá lögreglunni á höfuðborgarsvæðinu.

Rannsókn lögreglu á íkveikju gagnrýnd

Hörð gagnrýni á störf rannsóknarlögreglu á íkveikju á Kleppsvegi kom fram fyrir héraðsdómi Reykjavíkur í morgun. Aðalmeðferð málsins var framhaldið í morgun en upphaflega stóð til að kveða upp dóm í málinu þann 11. ágúst.

Eldur í húsi á Kleppsvegi - þrír handteknir

Slökkviliðið á höfuðborgarsvæðinu var kallað út vegna elds í einbýlishúsi á Kleppsvegi á níunda tímanum í morgun. Húsið mun hafa verið mannlaust. Þrír karlmenn hafa verið handteknir grunaðir um íkveikju, að sögn lögreglu sem vildi ekki tjá sig frekar um málið að svo stöddu.

Meintir brennuvargar áfram í gæsluvarðhaldi

Tveir menn sem sakaðir eru um að hafa kveikt í húsi nálægt Kleppsvegi í byrjun júní hafa verið úrskurðaðir í áframhaldandi gæsluvarðhald til 7. ágúst.

Rannsókn á Hummer-ákeyrslu á lokastigi

Maðurinn, sem ekið var á á Hverfisgötu í janúar, er enn meðvitundarlaus. Hann varð fyrir Hummer-jeppa sem er í eigu athafnamannsins Ásgeirs Davíðssonar, einatt kenndum við Goldfinger. Rannsókn málsins er á lokastigi að sögn lögreglu.

Vitni að ákeyrslu: Hummerinn hægði aldrei á sér

„Þetta var bara hræðilegt, ótrúlega ljótt," segir vitni sem sá þegar Hummer-bifreið ók á mann á þrítugsaldri fyrir tveimur helgum. Atvikið átti sér stað á Laugaveginum um klukkan hálf fjögur um nóttina.Ökumaður bílsins flúði af vettvangi eftir að hafa ekið manninn niður.

Hummer-ökumaður játar sök

Í morgun játaði Jón Kristinn Ásgeirsson að hafa ekið Hummer-bifreið á 26 ára gamlan meistaranema í lögfræði og valda honum ævarandi örkumlun í janúar síðastliðnum.

Mest lesið


Fleiri fréttir

Sjá meira


×

Mest lesið