Rannsókn á Hummer-ákeyrslu á lokastigi

Maðurinn, sem ekið var á á Hverfisgötu í janúar, er enn meðvitundarlaus. Hann varð fyrir Hummer-jeppa sem er í eigu athafnamannsins Ásgeirs Davíðssonar, einatt kenndum við Goldfinger. Rannsókn málsins er á lokastigi að sögn lögreglu.

Margeir Sveinsson, fulltrúi hjá umferðardeild lögreglunnar á höfuðborgarsvæðinu, segir í samtali við Vísi að rannsókn sé ekki lokið en stefnt sé að því að klára hana á næstu tveimur vikum.

Að því loknu verður málið sent til lögfræðideildar sem tekur ákvörðun um hvort ökumaður jeppans, sonur Ásgeirs Þórs, verður ákærður.