McDonalds-martröð

Pink segist fá martraðir um að hún vinni á McDonalds. Söngkonan, sem heitir réttu nafni Alicia Moore, vann á skyndibitastaðnum í heimabæ sínum Doylestown í Pennsylvaníu áður en hún komst á samning hjá plötufyrirtæki sem meðlimur stelpuhljómsveitarinnar Choice, sextán ára gömul

Hún fær að eigin sögn reglulega martraðir um að hún sé fátæk og komin aftur í sitt gamla starf, en það geti hún ekki hugsað sér eftir allt sem hún hefur lagt á sig fyrir söngferilinn. Hún gaf út sína fyrstu sólóplötu þegar hún var 21 árs og náði nýlega toppsæti vinsældarlista bæði í Bretlandi og Bandaríkjunum með laginu So What af nýjustu plötu hennar Funhouse.