Pandan Gu Gu söm við sig

Pandan Gu Gu í dýragarðinum í Peking er allt annað en gestrisin í garð óboðinna gesta. Á því fékk maður að kenna á miðvikudag þegar hann klifraði yfir eins og hálfs metra háa girðingu til að ná í leikfang sem fimm ára sonur hans hafði misst ofan í búr pöndunnar.

Gu Gu beit fast í fótlegg mannsins og neitaði að sleppa fyrr en dýragarðsstarfsmenn spenntu munn pöndunnar upp með verkfærum. Maðurinn er nú á batavegi eftir skurðaðgerð.

Gu Gu komst fyrst í fréttirnar árið 2006 þegar hún beit drukkinn mann sem reyndi að faðma pönduna í búrinu. Drukkni maðurinn brást við með því að bíta Gu Gu í bakið, og úr urðu heljarinnar átök.- kg