Sprengjudólgur fær að sofa úr sér - yfirheyrður í fyrramálið

Maður um tvítugt, sem var handtekinn vegna sprengjuhótunar í Borgarholtsskóla um síðdegis í dag, verður ekki yfirheyrður fyrr en í fyrramálið. Hann var handtekinn miðdegis eftir að hafa hringt inn í Borgarholtsskóla.

Hann er grunaður um að hafa tilkynnt um sprengjuna en það er þó ekki staðfest - enda á eftir að ræða við hann.

Viðbúnaður vegna hótunarinnar var gríðarlegur. Skólinn var rýmdur og hátt í tíu lögreglubílar auk sprengjusveitarbíls mættu á vettvang. Sprengjusveitarmenn leituðu að meintu sprengjunni í skólanum en fundu enga.

Nemar í Borgarholtsskóla var brugðið en tóku hótunina þó misalvarlega. Þeir flúðu skólann án skólataskna og yfirhafna. Að lokum var skólahald slegið af. Starfsemin heldur áfram með eðlilegum hætti á morgun.

Lögreglan handtók piltinn um þrjú í dag. Hann reyndist drukkinn eða undir áhrifum lyfja. Hann var færður niður á lögreglustöð og fær að sofa úr sér í nótt.

Hann verður svo yfirheyrður í fyrramálið. Maðurinn stundar ekki nám í Borgarholtsskóla en tengist nemanda þar.