Forsetakosningar í Íran í dag

Íranar ganga að kjörborðinu í dag og velja sér forseta. Stendur valið á milli sitjandi forseta, Mahmoud Ahmadinejad, og Mir Hossein Moussavi, leiðtoga umbótasinna. Kjörstaðir opnuðu klukkan átta í morgun að írönskum tíma og verða opnir í tíu klukkustundir að minnsta kosti. Mikil stemning ríkir í Íran, kosningabaráttan hefur verið lífleg og fjöldi stuðningsmanna hvors frambjóðanda um sig látið sjá sig á götum úti með spjöld og auglýsingar. Einu sinni þurfti lögregla að beita táragasi til að dreifa mannfjölda en annars hefur allt farið friðsamlega fram.