Aurelio missir af byrjun næsta tímabils með Liverpool

Knattspyrnustjórinn Rafa Benitez hjá Liverpool hefur neitað orðrómi um að vinstri bakvörðurinn Fabio Aurelio verði frá vegna meiðsla fram að áramótum.

Brasilíumaðurinn Aurelio meiddist á hné í fríi í heimalandi sínu þar sem hann var að spila fótbolta með syni sínum og öðrum krökkum.

„Aurelio er svekktur með að hafa lent í þessum meiðslum en hann er búinn að fara í aðgerð á hnénu og verður frá í 1-2 mánuði en ekki hálft ár eins og ég hef séð í nokkrum dagblöðum," segir Benitez.