Umfjöllun: Öruggur sigur hjá Blikum í hávaðaroki

Breiðablik vann 3-0 sigur gegn Grindavík við erfiðar aðstæður í Pepsi-deild karla á Kópavogsvelli í dag en staðan í hálfleik var 2-0.

Markahrókurinn Alfreð Finnbogason kom Blikum yfir þegar stundarfjórðungur var liðinn af leiknum með sínu tólfta marki í Pepsi-deildinni í sumar.

Alfreð lagði svo sjálfur upp mark fyrir Kristinn Steindórsson og Blikar í vænlegri stöðu, 2-0 yfir þegar flautað var til hálfleiks.

Veðrið versnaði til muna í síðari hálfleik og það byrjaði að snjóa í Kópavoginum. Leikmenn liðanna létu ömurlegar verðuraðstæður þó ekki á sig fá og reyndu að spila boltanum.

Blikarnir spiluðu með vindi í síðari hálfleik og settu gestina undir mikla pressu framan af hálfleiknum.

Grindvíkingar áttu á tímabili í erfiðleikum með að komast út af eigin vallarhelming en líkt og í fyrri hálfleik þá unnu þeir sig ágætlega inn í leikinn.

Sigur Blika var þó aldrei í hættu og Alfreð bætti við þriðja markinu fyrir heimamenn, sínu þrettánda í sumar sem tryggði honum bronsskóinn, áður en yfir lauk.

Niðurstaðan var 3-0 sigur Breiðabliks en Blikar hafa verið á mikilli siglingu seinni helming sumars. Þeir ættu því að mæta fullir sjálfstrausts inn í úrslitaleik VISA-bikarsins gegn Fram um næstu helgi.

Tölfræðin:



Breiðablik-Grindavík

1-0 Alfreð Finnbogason (15.)

2-0 Kristinn Steindórsson (26.)

3-0 Alfreð Finnbogason (81.)

Kópavogsvöllur, áhorfendur 650

Dómarar: Þorvaldur Árnason (6)

Skot (á mark): 14-8 (5-5)

Varin skot: Ingvar Þór 5 - Helgi Már 2

Horn: 2-5

Aukaspyrnur fengnar: 14-12

Rangstöður: 2-2

Breiðablik 4-3-3

Ingvar Þór Kale 7

Árni Kristinn Gunnarsson 6

Elfar Freyr Helgason 6

(64., Guðmann Þórisson 6)

Kári Ársælsson 7

Kristinn Jónsson 6

Olgeir Sigurgeirsson 5

Arnar Grétarsson 6

(78., Haukur Baldvinsson -)

Arnór Sveinn Aðalsteinsson 6

(71., Andri Rafn Yeoman -)

*Alfreð Finnbogason 7 - maður leiksins

Guðmundur Pétursson 5

Kristinn Steindórsson 7

Grindavík 4-5-1

Helgi Már Helgason 4

Óli Baldur Bjarnason 5

Óli Stefán Flóventsson 6

Ray Anthony Jónsson 6

Jósef Kristinn Jósefsson 7

Scott Ramsay 6

Orri Freyr Hjaltalín 6

Tor Eriki Moen 4

(46., Guðmundur Egill Bergsteinsson 5)

Jóhann Helgason 6

(88., Gunnar Þorsteinsson -)

Sveinbjörn Jónasson 4

(71., Páll Guðmundsson -)

Gilles Mbang Ondo 5

Smelltu hér til að opna Boltavaktina og lesa lýsingu leiksins: Breiðablik - Grindavík.

Leikurinn hefst klukkan 16.00 en allir leikir lokaumferðarinnar hefjast á sama tíma. Hægt er að fylgjast með þeim samtímis á Miðstöð Boltavaktarinnar, www.visir.is/boltavakt.

Þá er einnig hægt að nálgast Boltavaktina í Vodafone Live! farsímaþjónustunni.