Kostic: Ég vill halda áfram hjá Grindavík

„Þetta var þýðingarlítill leikur fyrir bæði lið og það var áberandi á spilamennskunni. Veðrið var heldur ekki að hjálpa til en mér fannst við þó vera að gera ágæta hluti í seinni hálfleik og sigur þeirra var alltof stór miðað hvernig leikurinn spilaðist," sagði Luka Kostic þjálfari Grindavíkur eftir 3-0 tap gegn Breiðablik í lokaumferð Pepsi-deildarinnar á Kópavogsvelli í kvöld.

Kostic tók við liði Grindavíkur á miðju sumri og vill ólmur halda áfram með liðið en segir leikmannamál vera óljós eins og er.

„Ég er búinn að eiga nokkra jákvæða fundi með stjórn Grindavíkur og vonandi verður gengið frá samningi strax í næstu viku. Við sjáum til en ég vill alla vega halda áfram, ekki spurning. Grindavík er frábært félag. Leikmannamál eru annars mjög óljós eins og er en bæði Óli Stefán [Flóventsson] og Eysteinn [Húni Hauksson] munu líklega hætta.

Þá ætla Gilles Ondo og Jósef [Kristinn Jósefsson] að reyna fyrir sér erlendis og ég vona að það gangi bara vel hjá þeim. Annars munum við vilja halda þeim áfram. Við eigum annars eftir að fara betur yfir leikmannamálinn þegar við sjáum betur hvernig málin standa," segir Kostic að lokum.