Búið að ráða í besta starf í heimi

Þrjátíu og fjögurra ára gamall Breti varð hlutskarpastur í kapphlaupinu um „besta starf í heimi", eins og það var auglýst, en þar er um að ræða starf umsjónarmanns á ástralskri paradísareyju. Ben Southall, en það er hinn væntanlegi umsjónarmaður, var valinn úr hópi tæplega 35.000 umsækjenda frá nærri 200 löndum og er að vonum nokkuð ánægður með nýja starfið sem felur aðallega í sér að vera á staðnum. Umsjónarmaðurinn má þó einnig sækja póstinn og hreinsa sundlaugina ef hann nennir. Southall tekur við lyklunum 1. júlí.