Svínaflensan gæti seinkað pílagrímsferð múslima

Æðstu menn múslima í Egyptalandi hafa lagt til að árleg pílagrímsferð til Mekka verði frestað vegna útbreiðslu svínaflensunnar. Sheikh Ali Jumua leiðtogi múslima í Egyptalandi hefur kallað eftir trúartilskipun til þess að ákveða hversu lengi hægt sé að fresta þessar helgiathöfn. Að minnsta kosti tvær milljónir múslima tóku þátt í síðustu pílagrímsferð sem á að fara fram í nóvember á þessu ári.

Yfir 7.500 tilfelli svínaflensu hafa komið upp í heiminum. Talsmaður Sheikh Ali Jumua sagði í útvarpsviðtali í dag að hann hefði kallað eftir sjónarmiði frá Mohammed Tantawi leiðtoga í al-Ashar moskunni.

Mr Tantawi sagði að hugsanlega væri hægt að fresta ferðinni ef Alþjóða heilbrigðismálastofnunin lýsir yfir efsta hættustigi flensunnar sem nú er í fimm en mest getur það farið í sex. Ef ástandið fari á það stig muni æðstu menn ræða hugsanlega seinkun pílagrímsferðarinnar