Kókaín og LSD eru svifryk Spánverja

Kókaín og LSD eru meðal þeirra lyfja sem finna má töluvert af í andrúmslofti spænsku borganna Madrid og Barcelona en auk þeirra er einnig töluvert af amfetamíni og kannabisefnum á sveimi þar líkt og svifryk í Reykjavík. Þetta er niðurstaða greiningar á gæðum andrúmsloftsins í borgunum sem heilbrigðisyfirvöld stóðu fyrir. Mestan styrk hefur kókaínið en einn þeirra sérfræðinga sem önnuðust greininguna segir þó ekki ástæðu til að óttast. Jafnvel þótt fólk yrði þúsund ára gamalt næði það ekki að anda að sér sem nemur neysluskammti af kókaíni, á ferðum sínum um borgirnar tvær.