Aston Villa leikmennirnir að brenna út

Martin O'Neill, stjóri enska úrvalsdeildarliðsins Aston Villa, hefur áhyggjur af því að mikið leikjaálag þýðir að leikmenn hans brenni út. Aston Villa hefur spilað meira en 50 leiki á tímabilinu og við bætist síðan að margir leikmenn liðsins eru að spila með enska unglingalandsliðinu.

Gabriel Agbonlahor og James Milner eru báðir að fara taka þátt í Evrópumóti 21 árs landsliða í sumar og fá því ekki mikið frí yfir sumarmánuðina.

„Það eru nokkrir leikmenn í okkar liði sem verða með á EM undir 21 árs í Svíþjóð sem þýðir að þeir fá kannski bara fjóra eða fimm daga í hvíld áður en undirbúningstímabilið okkar byrjar. Það er bara alls ekki nægjanleg hvíld," sagði O'Neill við Skysports.

Martin O'Neill hefur í hyggju að stjórna álaginu betur á sína menn á næsta tímabili og ætlar því að gera meira af því að gefa sínum mönnum frí frá æfingum þegar álagið er hvað mest.