Vill að Ísraelar hætti við landtökubyggðir

Barack Obama, Bandaríkjaforseti, ætlar að beita sér fyrir því að Ísraelar hætti við frekari framkvæmdir við landtökubyggðir á Vesturbakka Palestínu en þær eru afar umdeildar og stangast á við alþjóðalög. Obama fundaði með  Mahmoud Abbas, forseta Palestínu, í kvöld. Þar ræddu þær um leiðir til að koma á friði í heimshlutanum.

Þá segist Obama vera sannfærður að Ísraelar muni samþykkja samkomulag sem feli í sér tvö ríki Ísraela og Palestínumanna.

Obama hefur nú fundað með þremur af fjórum lykilmönnum sem hann telur nauðsynlegt að komi að friðarsamkomulagi fyrir botni Miðjarðarhafs. Áður hafði hann hitt Abdullah II. konung í Jórdaníu og Benjamin Netanyahu, forsætisráðherra Ísraels. Obama mun funda með Hosni Mubarak, forseta Egyptalands, í Kaíró 4. júní.