Torres búinn að framlengja

Spánverjinn Fernando Torres hefur skrifað undir nýjan og betri samning við Liverpool. Gleðjast stuðningsmenn félagsins án vafa yfir þessum tíðindum.

Hinn 25 ára gamli framherji hefur slegið í gegn á Anfield og skoraði 50. markið sitt fyrir félagið um síðustu helgi.

Torres átti enn fjögur ár eftir af gamla samningnum við félagið en Liverpool bauð honum betri laun og í nýja samningnum er möguleiki fyrir félagið að framlengja hann út leiktíðina 2014.

„Fernando er einn besti framherji heims og miðað við aldur á hann aðeins eftir að verða betri," sagði Rafa Benitez, stjóri Liverpool.