Fjórir handteknir grunaðir um að skipuleggja sprengjuárásir

Lögregluyfirvöld í Bandaríkjunum handtók í gærkvöldi fjóra menn sem grunaðir eru um að hafa skipulagt sprengjuárásir á tvö bænahús gyðinga í Bronx-hverfinu í New York borg. Þeir eru einnig grunaðir um að hafa ætlað að skjóta niður bandarískar herflugvélar með Stinger flugskeytum.

Þrír úr hópnum eru bandarískir ríkisborgarar og fjórði maðurinn frá Haítí. Rannsókn á málinu hófst í fyrrasumar þegar einn mannanna sagði uppljóstrara bandarísku alríkislögreglunnar, FBI, að hann væri reiður bandarísku stjórnvöldum vegna stríðsins í Afganistan og vildi fremja óhæfuverk í Bandaríkjunum.

Uppljóstrarinn fundaði oft með fjórmenningunum og munu þeir fundir allir hafa verið hljóðritaðir og festir á filmu með falinni myndavél. Mennirnir gengu síðan í gildru lögreglunnar í gær þegar þeir reyndu að kaupa flugskeyti og sprengiefni af uppljóstraranum. Verði mennirnir sakeflldir gætu þeir átt yfir höfði sér lífstíðar fangelsisdóm.