Hreinlæti fækkar svínaflensusmitum í Bretlandi

Svínaflensusmitum í Bretlandi hefur fækkað talsvert undanfarinn mánuð. Á fréttavef Sky eru leiddar að því líkur að aukið hreinlæti gæti hugsanlega spilað þar inn í.

Í það minnsta hefur sjaldan selst jafnmikið af bakteríudrepandi handáburði, sápu og álíka hreinlætisvöru þar í landi

Carex handgel er vinsælasti áburðurinn hjá þarlendum vefverslunum, en hann hefur selst næstum þrisvar sinnum meira en á sama tíma í fyrra. Þá er aukningin mikil í öðrum hreinlætisvörum, hóstastillandi mixtúrum og kveflyfjum. Þá hefur sala á snýtubréfum einnig aukist.

Talsmaður Carex segir að þrátt fyrir að handsápusala hafi aukist mikið, sé mesta aukningin í bakteríudrepandi sápu.

„Fólk er greinilega orðið meira meðvitaðra um hreinlætið eftir svínaflensufaraldurinn, og um að besta leiðin til að forðast smit er að þvo eða hreinsa hendurnar reglulega."