Obama fordæmir ofbeldið í Íran

Forseti Bandaríkjanna, Barack Obama, fordæmdi aðgerðir írönsku ríkisstjórnarinnar gagnvart mótmælendum harðlega í dag.

Gríðarleg mótmæli hafa verið í Tehran í Íran undanfarið vegna forsetakosninganna sem fram fóru fyrir stuttu. Þá sigraði sitjandi forseti, Mahmoud Ahmadinejad, andstæðing sinn með yfirburðum samkvæmt opinberum tölum sem hafa verið véfengdar og eru taldar rangar.

Mahmoud hefur setið sem forseti Írans frá árinu 2005.

Eftir að í ljós koma að hann sigraði kosningarnar hafa þegnar Írans farið út á götur til þess að mótmæla kosningunum. Í kjölfarið hefur verið sett fjölmiðlabann á fréttamenn sem eru staddir í Íran. Það dugar hinsvegar ekki því gríðarlega mikið af upplýsingum um mótmælin berast á bloggum og samskiptasíðum eins og Facebook og Twitter.

Sú upplýsingabylting sem virðist fara samhliða þeirri sem á sér stað á götum úti í Íran, hefur orðið til þess að myndband af ungri Íranskri konu, Nedu Agha-Soltan, hefur lekið á netið. Myndbandið sýnir þegar hún lætur lífið eftir að hafa verið skotin í hjartað.

Myndbandið hefur haft gríðarleg áhrif á heimsbyggðina. Þá hafa yfirvöld í Íran bannað að hennar sé minnst með bænahaldi þar í landi. Margir vilja meina að hún sé orðinn táknmynd mótmælanna. Aðrir leggja myndbandið að jöfnu við áhrifaríkustu fréttaljósmyndir sögunnar.

Á blaðamannafundi sagði Obama um ástandið í Íran:

Bandaríkin og alþjóðasamfélagið eru hneyksluð á þeim hótunum, barsmíðum og fangelsunum sem hafa átt sér stað undanfarna daga. Ég fordæmi þessar óréttmætu aðgerðir og syrgi, auk bandarísku þjóðarinnar, öll þau líf sem hafa veri tekin í mótmælunum."

Að auki segir Obama að tilraun íranska yfirvalda til þess að þagga niður umfjöllun um mótmælin muni ekki duga. Hann segir engan járnhnefa svo sterkan að hann geti falið slíka atburði fyrir alþjóðasamfélaginu.