Karl Bretaprins kominn á MySpace

Karl Bretaprins opnar síðu á vefnum MySpace í dag og verður þar með fyrsti fulltrúi hinnar eldri kynslóðar konungsfjölskyldunnar sem tekur tæknina í þjónustu sína á þennan hátt. Prinsinn hefur fram að þessu verið þekktur fyrir allt annað en áhuga á tækni og vísindum en verður þó loksins að játa að hann getur ekki sniðgengið þetta samskiptaform lengur.

Frumraun Karls á MySpace verður ávarp til bjargar regnskógum heimsins sem hann hefur lengi barist fyrir. Þetta virðist allt vera í áttina hjá kóngafólkinu en í síðustu viku sendi Elísabet drottning sinn fyrsta tölvupóst með mikilli viðhöfn.