Innlent

„Meirihlutasamstarfið stendur traustum fótum eins og alltaf“

Magnús Már Guðmundsson skrifar
Ómar Stefánsson, formaður bæjarráðs og bæjarfulltrúi Framsóknarflokksins.
Ómar Stefánsson, formaður bæjarráðs og bæjarfulltrúi Framsóknarflokksins.
Oddvitar Framsóknarflokks og Sjálfstæðisflokks í Kópavogi funduðu í morgun um stöðu mála í bæjarpólitíkinni. Ómar Stefánsson, formaður bæjarráðs og bæjarfulltrúi Framsóknarflokksins, vildi í samtali við fréttastofu ekki tjá sig um niðurstöðu fundarins.

„Meirihlutasamstarfið stendur traustum fótum eins og alltaf," segir Ómar aðspurður um stöðu meirihlutasamstarfsins í bæjarfélaginu.

Fjölmennur fundur fulltrúaráðs sjálfstæðismanna í Kópavogi samþykkti að fela Gunnari og öðrum bæjarfulltrúum flokksins að óska eftir viðræðum við Framsóknarflokkinn um áframhaldandi samstarf. Boðað var til fundarins vegna kröfu Framsóknarmanna um að Gunnar viki úr bæjarstjórastólnum eftir að upplýsingar komu fram um viðskipti Gunnars við fyrirtækið Frjálsa miðlun sem er í eigu dóttur hans.

Ómar segir að bæjarfulltrúar meirihlutans ætli að funda í hádeginu og fara yfir stöðuna. Ómar vildi ekkert segja til um það hvort einhverja tíðinda væri að vænta eftir þann fund.

Þá er ekki ráðgert að kalla saman bæjarmálaráð Framsóknarflokksins í framhaldi á fundi fulltrúaráðs Sjálfstæðisflokksins í gær. Ómar hyggst þó heyra í lykilmönnum í flokknum fyrir fund sinn með bæjarfulltrúum Sjálfstæðisflokksins í hádeginu.

Flokkarnir hafa verið í meirihluta í Kópivogi allt frá 1990. Sjálfstæðisflokkurinn hlaut fimm bæjarfulltrúa í bæjarstjórnarkosningunum 2006 og Framsóknarflokkurinn einn.


Tengdar fréttir

Gunnar gengur til viðræðna við Framsókn

Fundi fulltrúaráðs Sjálfstæðisflokksins í Kópavogi lauk nú fyrir stundu. Á fundinum bar Gunnar I. Birgisson, bæjarstjóri Kópavogs, upp tillögu um að hann myndi ásamt bæjarfulltrúum flokksins ganga til fundar við Framsóknarmenn um áframhaldandi samstarf. Að sögn Óttars Felix Haukssonar, formanni fulltrúaráðsins, var góð sátt um tillöguna á fundinum.

Vilja klára málið fyrir fulltrúaráðsfundinn á morgun

Sjálfstæðismenn í Kópavogi ætla að reyna að hittast í dag til þess að ræða um hver verði eftirmaður Gunnars I. Birgissonar bæjarstjóra. Sem kunnugt er mun Gunnar hafa boðið sínum flokksmönnum að stíga til hliðar til þess að greiða fyrir meirihlutasamstarfi Sjáflstæðis- og Framsóknarflokks í bænrum. Óvíst er hver sest í stól Gunnars en menn vilja vera búnir að klára það mál fyrir fulltrúaráðsfund flokksins sem fram fer á morgun.

Eyða þarf óvissunni - vill Gunnar og spillinguna burt

„Óvissa er aldrei góð og hjálpar hvorki bæjarfélaginu og alveg örugglega ekki Sjálfstæðisflokknum né meirihlutanum,“ segir Ólafur Þór Gunnarsson, oddviti Vinstri grænna í Kópavogi, um stöðu mála í bæjarfélaginu en talsverð óvissa hefur verið um framtíð Gunnars Birgissonar sem bæjarstjóra vegna viðskipta dóttur hans við Kópavog.

Mest lesið


Fleiri fréttir

Sjá meira


×

Mest lesið