Innlent

Ólafur Þór: Ákveðin kaflaskil

Sólmundur Hólm Sólmundarson skrifar
Ólafur Þór Gunnarsson.
Ólafur Þór Gunnarsson.
„Þetta eru ákveðin kaflaskil fyrir sveitafélagið, hinsvegar á ég erfitt með að sjá hvernig þeir ætla að starfa áfram með Gunnar innanborðs," segir Ólafur Þór Gunnarsson, bæjarfulltrúi Vinstri Grænna í Kópavogi um þær fréttir að Gunnar hyggist víkja úr sæti bæjarstjóra. Hann segir þó vandamálum Sjálfsstæðisflokksins í Kópavogi hvergi nærri lokið.

„Það er áfram vandamálið hjá þeim að þeir geta ekki komið sér saman um það hver verður bæjarstjóri. Þeir hafa ekki treyst sér til þess að ákveða að Gunnar færi frá og enn síður þora þeir að taka ákvörðun um hver tekur við af honum," segir Ólafur um Sjálfsstæðismenn í Kópavogi.

Aðspurður hvort hann hefði viljað sjá Gunnar víkja alfarið úr bæjarmálum sagði Ólafur að Gunnar þyrfti að meta þau siðferðislegu álitamál sem snúa að honum. „Ef að hann metur að hann hafi ekki gert neitt rangt þá ætlum við ekki að reka hann úr bæjarstjórn. Þó mörgum í hans stöðu þætti ef til vill rétt að víkja úr bæjarstjórn."

Hann segir minnihluta bæjarstjórnarinnar hafa verið afar þolinmóðan og gefið meirihlutanum það svigrúm sem hann óskaði eftir til að ráða fram úr sínum málum. Hann segir að það verði áhugavert fylgjast með hvernig Sjálfstæðisflokknum gangi að finna eftirmann. „Ég held að þeir eigi ærin verkefni fyrir höndum við að leysa úr sínum innanbúðarmálum áður en þeir geta farið að stjórna bænum af einhverju viti."


Tengdar fréttir

Samfylkingin í Kópavogi: Gunnar verður að víkja

Bæjarfulltrúar Samfylkingarinnar í Kópavogi ítreka fyrri kröfu sína um að Gunnar I. Birgisson axli ábyrgð og víki sem bæjarstjóri eftir að hann hafi gerst sekur um að hygla stórlega fyrirtæki í eigu dóttur hans. Nú sé reynt að láta umræðuna snúast um skýrslur endurskoðenda og lögfræðiálit en ekki sé rætt um pólitíska og siðferðislega ábyrgð. Þetta kemur fram í tilkynningu frá Guðríði Arnardóttur, oddvita Samfylkingarinnar í bæjarfélaginu.

Vissi ekki af ákvörðun Gunnars

Gunnsteinn Sigurðsson, bæjarfulltrúi Sjálfstæðisflokksins í Kópavogi og annar maður á lista flokksins í síðustu bæjarstjórnarkosningum, hafði ekki heyrt að Gunnar I. Birgisson ætli að víkja sem bæjarstjóri þegar fréttastofa náði tali af honum.

„Meirihlutasamstarfið stendur traustum fótum eins og alltaf“

Oddvitar Framsóknarflokks og Sjálfstæðisflokks í Kópavogi funduðu í morgun um stöðu mála í bæjarpólitíkinni. Ómar Stefánsson, formaður bæjarráðs og bæjarfulltrúi Framsóknarflokksins, vildi í samtali við fréttastofu ekki tjá sig um niðurstöðu fundarins.

Tvö innbrot og veggjakrotarar stöðvaðir

Tvö innbrot voru tilkynnt til lögreglunnar á höfuðborgarsvæðinu í nótt, eitt í söluturn þar sem þjófar stálu sígarettum og fleiru smálegu og í fyrirtæki í kópavogi en ekki liggur fyrir hverju var stolið þar.

Gunnar hættir sem bæjarstjóri: Kominn tími á kónginn

„Ég lagði það til á fundinum í gær með mínum flokksfélögum að það væri kominn tími á kónginn,“ segir Gunnar Birgisson sem fyrir skemmstu lauk fundi með Ómari Stefánssyni, bæjarfulltrúa Framsóknarmanna í Kópavogi og samstarfsfélaga Gunnars í meirihlutanum í Kópavogi. Niðurstaða þess fundar var sú að Gunnar hættir sem bæjarstjóri.

Mest lesið


Fleiri fréttir

Sjá meira


×

Mest lesið