Innlent

Hæstiréttur staðfestir þyngsta kynferðisbrotadóm sögunnar

Hæstiréttur staðfesti í dag dóm Héraðsdóms Suðurlands frá því í desember yfir manni sem dæmdur var í átta ára fangelsi fyrir að misnota fósturdóttur sína á þriggja ára tímabili.

Manninum var einnig gert að greiða stúlkunni 2,5 milljónir króna í skaðabætur auk þess að greiða allan málskostnað. Héraðsdómur hafði áður dæmt manninn til þess að greiða stúlkunni þrjár milljónir króna í skaðabætur og var sú upphæð því lækkuð. Tveir dómarar skiluðu sératkvæði í málinu og vildu þeir hafa skaðabæturnar óbreyttar.

Lögreglu barst ábending síðla árs 2007 um málið og hóf í kjölfarið rannsókn. Maðurinn braut ítrekað gegn stúlkunni á þriggja ára tímabili, þegar hún var 11-14 ára. Þetta mun vera þyngsti dómur sem fallið hefur hér á landi í kynferðisbrotamáli.




Tengdar fréttir

Nauðgaði fósturdótturinni tvisvar til þrisvar í viku í þrjú ár

Líkt og Vísir greindi frá í gærkvöldi var karlmaður um fertugt dæmdur í átta ára fangelsi í Héraðsdómi Suðurlands í gær fyrir að misnota fósturdóttur sína. Í dómnum kemur m.a fram að maðurinn hafði samræði við stúlkuna tvisvar til þrisvar sinnum í viku frá því hún var ellefu ára þar til hún var fjórtán ára gömul. Maðurinn neitaði sök allan tímann. Lögmaður mannsins býst fastlega við að dómnum verði áfrýjað til Hæstaréttar.

Þyngsta dómi sögunnar áfrýjað

Karlmaður sem dæmdur var í desember í átta ára fangelsi í Héraðsdómi Suðurlands fyrir gróf kynferðisbrot, til margra ára, gegn stjúpdóttur sinni, hefur áfrýjað dómnum til Hæstaréttar. Gert er ráð fyrir að dómur þar gangi ekki fyrr en í haust, að því er Fréttablaðinu hefur verið tjáð.

Átta ára fangelsi fyrir að misnota fósturdóttur sína

Karlmaður um fertugt var í dag dæmdur í átta ára fangelsi í Héraðsdómi Suðurlands fyrir að misnota fósturdóttur sína á þriggja ára tímabili. Manninum var einnig gert að greiða stúlkunni 3 milljónir í skaðabætur.

Mest lesið


Fleiri fréttir

Sjá meira


×

Mest lesið