Sektaðir fyrir að múta starfsmönnum Systembolaget

Þingréttur í Stokkhólmi sektaði í dag sex starfsmenn heildsölunnar Vin og Spirits í Svíþjóð fyrir að hafa mútað verslunarstjórum Systembolaget, áfengisverslunar sænska ríkisins.

Verslunarstjórarnir þáðu frá mönnunum áfengi, máltíðir, ferðir og hótelgistingar fyrir að koma vörum Vin og Spirits fyrir á vel völdum stöðum í áfengisverslunum. Tveir starfsmanna Vin og Spirits fengu auk þess skilorðsbundna dóma fyrir að hafa átt þátt í því að miðla mútum upp upp á rúmlega 7,5 milljónir íslenskra króna til verslunarstjóra á vegum Systembolaget.