Boðar björgun belgísku ríkisstjórnarinnar

Albert II, konungur Belgíu heldur nú neyðarfundi með ráðamönnum þjóðarinnar til bjargar stjórnmálaástandinu í landinu eftir afsögn forsætisráðherra landsins, Yves Leterme. Konungurinn hefur ekki formlega tekið við afsögninni en Leterme sagði af sér á mánudaginn eftir að hafa misheppnast að ná samkomulagi um pólitískar umbætur á meðal samherja sinna.

Hinn flæmski forsetisráðherra hafði sett frest til 15 júlí til þess að ná fram umbótum sem fólust í að færa meiri völd til landshlutanna. Belgía er þegar það land í Evrópu þar sem minnst miðstjórn er fyrir. Leterme sagði að skilin á milli hinna frönskumælandi og hinna flæmskumælandi í landinu væru of djúp til þess að ná samkomulaginu.

Leterme tók við embætti forsætisráðherra eftir níu mánaða stjórnarkreppu í landinu sem leiðtogi samsteypustjórnar bæði frönsku og flæmskumælandi stjórnmálaflokka í  Belgíu. Hinir frönskumælandi Vallónar voru tregari til að færa völdin til landshlutanna þar sem efnahagsástand og atvinnuleysi er verra á meðal þeirra.