Ferdinand íhugar að hætta árið 2012

Rio Ferdinand segir líklegt að hann muni leggja skóna á hilluna þegar núverandi samningi hans við Manchester United rennur út, í lok tímabilsins 2012.

Ferdinand kom til Old Trafford frá Leeds árið 2002 og ef hann nær að klára samninginn mun hann hafa varið áratug hjá United.

Hann sagði í viðtali við tímaritið Inside United að hann bjóst við því að sá samningur sem hann skrifaði síðast undir, í maí síðastliðnum, yrði sá síðasti.

„Þegar ég framlengdi samninginn í vor sagði ég vil David Gill að ég vonaðist nú til að þetta yrði ekki síðasti samningurinn minn. En ég verð 34 ára gamall þegar hann rennur út og ef ég á að vera hreinskilinn þá þarf ég að vera mjög heppinn ef ég á enn að vera í toppformi eftir það."

„Ef ég kemst enn í byrjunarliðið þegar ég verð 34 ára gamall get ég talist afar lukkulegur með það."

Ferdinand hefur unnið marga titla með United á ferlinum en segist vilja vinna miklu fleiri.

„Ég er gráðugur. Ef ég lýk ferlinum bara með þá titla sem ég hef unnið nú þegar mun ég verða fyrir miklum vonbrigðum. Það kann að hljóma sem að ég sé óþakklátur en svona er þetta bara."