Heiðursmorð: Faðir kyrkti dóttur sína

Dómstóll í Bandaríkjunum hefur ákært Chaudhry Rashad fyrir heiðursmorð. Hann kyrkti dóttur sína fyrir framan tvo bræður hennar. Ástæðan: Dótturin vildi skilnað.

Chaudhry er 54 ára gamall. Hann var ákærður fyrir glæpinn í dómsal í Georgíu í gær. Chaudhry er frá Pakistan og átti í erfiðleikum og virtist í erfiðleikum með að skilja hvað fór fram í dómssalnum. Þegar hann gekk út veifaði hann til tveggja sona sinni. Þeir horfðu á hann kyrkja dóttur sína.

Fréttavefurinn FoxNews greinir frá þessu. Þar kemur fram að dótturin, Sandeela Kanwai, hafi verið 25 ára gömul. Hún hafi viljað losna úr fyrirframákveðnu hjónabandi en það hafi faðirinn ekki sætt sig við og sagt að hún myndi kalla skömm yfir fjölskylduna.

Þau hafi rifist og rifrildið endað með ofbeldi. Og dauða.

Fyrir dómnum sagði lögreglan að þeir hefðu komið að heimili Chaudry og séð hann ásamt sonum sínum sitjandi í innkeyrslunni. Faðirinn hafi reykt sígarettu og muldrað: Dóttir mín er dauð, við lögregluna.

"Maður hristir bara hausinn að svona heiðursmorð skuli enn eiga sér stað," sagði B.J. Bernstein, lögfræðingur á Fox News. Hún sagði blessunarlega glæpi sem þessa ekki eiga sér stað í Bandaríkjunum þar sem kvenréttindi væru höfð í heiðri.