Orðin sjö barna móðir 16 ára gömul

Sextán ára gömul stúlka í Argentínu hefur fætt þríbura, í annað sinn á ævi sinni. Stúlkan sem heitir Pamela átti fyrri þríbura sína þegar hún var 15 ára gömul en hún eignaðist fyrsta barn sitt, son, þegar hún var 14 ára.

Um var að ræða fyrirburafæðingar í öllum tilvikum. Læknar segja að þríburnum nýju og móður þeirra heilist vel en fæðingin hefur leitt til mikillar umræðu um móðurina í fjölmiðlum landsins og hefur hún verið sökuð um lauslæti af mörgum. Fjölskylda Pamelu eru fátækir bændur sem búa í héraðinu Cordoba.