Fjórtán mönnum var bjargað úr ferju í Írlandshafi snemma í morgun.
Ferjan strandaði í miklum sjógangi í gærkvöldi nálægt Fleetwood í Lancashire í Bretlandi. Breski flugherinn sendi björgunarþyrlur á staðinn. Þær lentu í miklu roki en tókst samt að ná fólkinu frá borði.
Níu skipverjar eru enn um borð. Þeir vonast til að ná skipinu af strandstað og sigla því í næstu höfn.
