Obama með töluvert forskot á McCain

Forsetaframbjóðandi Demókrata, Barack Obama, hefur töluvert forskot á keppinaut sinn, repúblikanann John McCain, við upphaf kosningabaráttunnar í Bandaríkjunum.

Í skoðanakönnun Los Angeles Times sögðust 49 prósent þeirra sem spurðir voru styðja Obama en 37 prósent McCain. Stjórnmálaskýrendur telja að fylgi Obama megi að miklu leyti rekja til þeirrar áherslu sem hann leggur á innanríkismál og þá fyrst og fremst efnahagsmál sem nú hvíla hvað þyngst á bandarískum almenningi.