Obama ætlar að fjölga bandarískum hermönnum um í Afganistan um tíu þúsund

Barack Obama forsetaframbjóðandi Demókrata ætlar að fjölga bandarískum hermönnum um í Afganistan um tíu þúsund ef hann nær kjöri í haust. Obama hóf ferð sína um Mið-Austurlönd með heimsókn til Afganistans í dag.

Barack Obama kom til Kabúl í dag. Gríðarleg öryggisgæsla var í borginni vegna komu frambjóðandans. Hann hefur átt á brattan að sækja varðandi öryggis og utanríkismál samkvæmt skoðanakönnunum.

Bandaríkjamenn treysta John McCain frambjóðanda Republikana betur fyrir þessum málaflokkum. Obama ætlar að bæta úr þessu með því að heimsækja nokkur löng í Mið-Austurlöndum og einnig ætlar hann að að ræða við ráðamenn í Frakklandi, Þýskalandi og Bretlandi. Obama segir að ef hann nái kjöri í haust þá ætli hann að breyta um stefnu í Írak og Afganistan. Hann ætlar að fjölga hermönnum í Afganistan um allt að 10 þúsund en fækka þeim í Írak og jafnvel kalla heraflann þar heim.

Bandaríkin hafa nú 36 þúsund hermenn í Afganistan, rúmlega 17 þúsund eru hluti af liðsafla Atlantshafsbandalagsins, en í honum eru um 53 þúsund hermenn. Stuðningsmönnum Talibana hefur vaxið ásmegin undanfarið í Afganistan.