Næst stærsta skemmtiferðaskip heims tilbúið

Næst stærsta skemmtiferðaskip heims liggur við höfn í Zeebrugge í Belgíu tilbúið í ævintýraferðir um höfin blá. Skipið tekur tvö þúsund farþega.

Nýja skipið hefur hlotið nafnið Victoria drottning. Hún leggur brátt úr höfn og heldur til Southampton í jómfrúarferð sína. Skipið er næst stærsta farþegaskip sem smíðað hefur verið, stærra er María drottning önnur.

Aðstaðan um borð er mjög glæsileg. Farþegaherbergin eru stór og vistleg og salir eru stórir og glæsilegir. Skipið tekur 1968 farþega. Þá hefur verið lagt mikið í að hafa þilförin skjólgóð. Victoria drottning siglir frá Suður-Englandi til Miðjarðarhafsins, til Kararíaeyja og tl Evrópulanda. Nú eru þrjár drottningar í förum um heimshöfin, Viktoría, Elisabeth önnur og María önnur.