Bretar ætla að byggja átta ný kjarnorkuver

Bresk stjórnvöld ætla að byggja átta ný kjarnorkuver á næstu tíu árum. Þetta kemur umhverfisverndarsamtökum í landinu í opna skjöldu

Það er blaðið Daily Telegraph sem segir frá þessu í dag. Ætlunin er að byggja kjarnorkuverin að mestu við hlið kjarnorkuvera sem þegar eru til staðar á Bretlandseyjum. Nú skipulagslög verða svo notuð til að hraða framkvæmdum eins og hægt er.

Bygging þessara kjarnorkuvera er afarmikilvæg að mati Gordon Brown forsætisráðherra sem telur þau einu færu leiðina til að gera Bretland óháð olíu og gasi.

Umhverfisverndarsamtök í Bretlandi eru óánægð með hve mikill fjöldi nýrra kjarnorkuvera sé í bígerð. Þau benda á að stjórnvöld hafi lofað þeim viðræðum um málið áður en ákvarðanir yrðu teknar. Það loforð hafi greinilega verið svikið. Þá má einnig reikna með að íbúar í nágrenni nýju kjarnorkuveranna séu ósáttir við þessar áætlanir.