Átta slösuðust á fyrsta degi nautahlaupsins í Pamplona

Farið var með átta manns á spítala á fyrsta degi hins víðfræga nautahlaups sem hófst í Pamplona í dag. Nautahlaupið er hluti af hátíð til heiðurs dýrlingsins Fermin en þá er nautum hleypt í gegnum bæinn dag hvern í heila viku og er atburðurinn sýndur í beinni útsendingu í spænska sjónvarpinu.

Þúsundir manna höfðu safnast saman í bænum í morgun er hátíðin hófst en átta þeirra enduðu á sjúkrahúsi; þrír fengu heilahristing, einn varð fyrir bringumeiðslum, þrír mörðust illilega og einn hlaut sár eftir horn eins nautsins.

Nautahlaup af þessu tagi eru haldin víða um Spán og einnig í Frakklandi. Nautahlaupið í Pamplona er hins vegar hið langþekktasta en það var gert ódauðlegt í bók Ernest Hemingway, Og sólin rennur upp.