Mikill spenningur vegna steintöflu frá því fyrir Krist

Tæplega meters há steintafla með 87 línum af hebresku letri á veldur nú miklum spenningi meðal biblíu- og fornleifafræðinga.

Taflan sem fannst við Dauðahafið er talin vera frá því nokkrum áratugum fyrir Krist og línurnar eru ritaðar á hana með bleki en ekki hoggnar í steininn.

Af textanum má ráða að messías og koma hans hafi ekki verið einn einstakur viðburður heldur þáttur af hefð meðal gyðinga á þessum tíma. Jesús hafi síðan slegið í gegn ef svo má að orði komast og kristnidómurinn fæðst.