Hjó hausinn af Adolf Hitler

Karlmaður var handtekinn í Berlín í dag eftir að hann hjó hausinn af vaxmyndastyttu af Adolf Hitler á opnun á Madame Tussauds í borginni.

Hinn fjörutíu og eins árs gamli maður var handtekinn eftir að hann réðist að styttunni nokkrum klukkustundum eftir að styttan var afhjúpuð.

Styttan af Hitler sem hefur verið til sýnis hefur valdið miklu fjaðrafoki í landi þar sem Nasista merki eru bönnuð. Forsvarsmenn safnsins segja hinsvegar að erfitt sé að gera þýskri sögu skil án þess að sýna myndir af Hitler.

Styttan dregur upp mynd af Hitler nokkrum klukkustundum áður en hann framdi sjálfsmorð. Maðurinn var eitthvað ósáttur með syttuna og hjó því höfuðið af henna.