Mörg þúsund flýja heimili sín vegna elda í Kaliforníu

Einn slökkviliðsmaður hefur farist í skógereldunum sem loga á rúmlega tvö þúsund ferkílómetra svæði í Kaliforníu í Bandaríkjunum. Mörg þúsund íbúum hefur verið gert að yfirgefa heimili sín. Margir þrjóskast þó við og reyna að bjarga eigum sínum.

Skógareldar hafa logað í mið- og norðurhluta Kaliforníuríkis síðan tuttgasta júní. Flestir eldar hafa kviknað þegar eldingum hefur lostið niður án úrkomu, sem er nokku sjaldgæft. Þurrt hefur verið á jörðu niðri og því eldar blossað upp af miklum krafti.

Aðeins er búið að ná tökum á þrjú prósent eldanna og ekki búist við að slökkviliðsmenn nái um þá alla fyrr en í lok júlí. Rúmlega tvö þúsund ferkílómetra svæði hefur brunnið. Rúmlega sextíu byggingar hafa orðið eldunum að bráð. Sextíu og þriggja ára sjálfboðaliði í slökkviliði í norðurhluta Kaliforníu fórst í eldunum en ekki er vitað um að fleiri hafi brunnið til bana.

Búið er að skipa rúmlega þúsund íbúum á þeim svæðum þar sem eldar logar að yfirgefa heimili sín. Margir þrjóskast þó við og reyna að gera ráðstafanir til að bjarga heimilum sínum og fyrirtækjum.

Mest logar samfellt á rúmlega tvö hundruð ferkílómetra svæði með fram hinni frægu Big Sur strandlengju milli San Francisco og Los Angeles. Þangað flykkjast ferðamenn fjórða júlí ár hvert til að fagna þjóðhátíardegi Bandaríkjanna. Svo er ekki í ár vegna eldanna.

Þar sem fagnað verður í Kaliforníu eru íbúar hvattir til að láta skotelda vera og fylgjast frekar með skipulögðum flugeldasýningum sérfræðinga.