Ólympíueldurinn á tindi Everest fjalls

Hópur kínverskra og Tíbetskra fjallaklifrara náði í nótt á tind Everest fjalls með Ólympíueldinn. Kínverska sjónvarpið sýndi í beinni útsendingu þegar hópurinn náði á topp fjallsins sem er það hæsta í heimi.

Þeir voru með sérútbúna kyndla sem loguðu allan tímann þrátt fyrir hið þunna loft sem umlykur tindinn sem er í tæplega áttaþúsund og fimmhundruð metra hæð yfir sjávarmáli.

Kínverjar segjast vonast að með þessu verði hægt að slá á þá slæmu umræðu sem verið hefur um leikana síðustu dægrin en Kínverjar hafa legið undir ámæli fyrir ástand mála í Tíbet.