Taktu prófið aftur homminn þinn

Ítalska ríkið hefur verið dæmt til þess að greiða samkynhneigðum manni 100 þúsund evrur (12 milljónir kr) í miskabætur vegna mismununar.

Læknarnir létu þær upplýsingar ganga áfram til samgönguráðuneytisins.

Þar tilkynntu menn Giuffrida að hann yrði að taka bílpróf sitt á nýjan leik. Ella yrði hann sviptur ökuréttindum vegna "kynferðistruflana" sinna.

Giuffrida tók bílprófið aftur og stóðst það. Samgönguráðuneytið endurnýjaði þá ökuréttindi hans. En aðeins í eitt ár í stað tíu, vegna samkynhneigðar hans.

Þá var Giuffrida nóg boðið og hjólaði í ríkið með aðstoð lögfræðings. Hann er nú tólf milljónum króna ríkar en áður....og með ökuréttindi næstu tíu árin.

Lögfræðingur hans segir að þetta sé í fyrsta skipti sem ríkið hafi verið dæmt fyrir mismunun á grundvelli kynhneigðar.