Hæstiréttur Texas segir að skila eigi börnum sértrúarsafnaðar

Hæstiréttur í Texas hefur úrskurðað að yfirvöldum beri að skila börnum sértrúarsafnaðar aftur til foreldra sinna

Ráðist var inn á búgarð safnaðarins í apríl síðast liðnum og þaðan tekin 460 börn sem komið var í fóstur á vegum barnaverndaryfirvalda í ríkinu.

Sértrúarsöfnuðurinn leggur stund á fjölkvæni og talið var að unglingsstúkur undir lögaldri hefðu verið þvingaðar til að giftast sér mun eldri mönnum og í sumum tilvika verið þvingaðar til að stunda kynlíf með öðrum meðlimum safnaðarins.

Áður hafði undirréttur komist að sömu niðurstöðu og Hæstiréttur. Niðurstaða beggja dómstólanna byggir á að yfirvöld hefðu ekki getað sýnt fram á að börnin væru í bráðri hættu sem er eina lagalega ástæðan fyrir því að svipta foreldra forræði yfir börnum sínum.

Ekki liggur fyrir hvenær börnunum verður skilað og það flækir málið að enn er ekki vitað hverjar séu mæður um 100 barna í hópnum.