Evrópusambandið stöðvar fjárveitingar til Búlgaríu

Evrópusambandið ætlar að stöðva fjárveitingar upp á fleiri milljarða króna til tveggja stofnanna í Búlgaríu. Ástæða þessa eru áhyggjur af spillingu og skipulagðri glæpastarfsemi í landinu.

Þetta er í fyrsta sinn í sögu Evrópusambandsins að slíkt er gert. Sambandið hefur fylgst náið með framvindu mála í Búlgaríu og Rúmeníu síðan að löndin fengu aðild að Evrópusambandinu í fyrra.

Talsmaður sambandsins segir að stjórnvöld í Búlgaríu hafi dregið lappirnar í baráttu sinni gegn spillingu og glæpum í landinu.