Leigðu sér togara til að komast á fótboltaleik

Tólf manna hópur aðdáenda enska fótboltaliðsins Manchester City greip til þess ráðs að leigja sér togara til að komast á leik liðsins gegn færeyska liðinu Streymur í Þórshöfn í dag.

Hópurinn taldi að flugmiðarnar til Færeyja væru alltof dýrir og því var togarinn Three Sisters tekin á leigu á Hjaltlandseyjum. Hinsvegar varð ferðin endaslepp því skipstjóri togarans neitaði að sigla sökum slæms veðurs á leiðinni.

Breska blaðið The Sun sem fylgst hefur með málinu greip þá til þess ráðs að borga flugfarið undir hópinn svo að hann mun sjá leikinn í dag.

Einn úr hópnum segir að þetta sé örugglega í fyrsta sinn sem aðdáendur fótboltaliðs leigi sér togara til að komast á leik.