Páfinn gagnrýnir harkalega neyslumenningu

Benedikt XVI páfi gagnrýndi harkalega neysluhyggju og dægurmenningu í ræðu yfir mörgum tugum þúsunda ungra kaþólikka í Sydney í dag. Páfinn varaði einnig við ofnotkun á náttúruauðlindum heimsins og boðaði verndun þeirra fyrir komandi kynslóðir.

Hann er nú í heimsókn í Sydney vegna sex daga hátíðar ungra kaþólikka sem hefur verið kölluð „Woodstock" kaþólsku kirkjunnar.

Páfinn hitti einnig ráðamenn í Ástralíu og lofaði ríkistjórn þjóðarinnar fyrir að biðja infædda íbúa landsins fyrirgefningar á ranglæti sem þau hafa verið beitt. Von er á að páfinn sjálfur biðjist afsökunar á kynferðislegri misnotkun presta kaþólsku kirkjunnar.

Páfinn lagði áherslu á fíkniefni og áfengi sem dæmi um nútímahættur og gagnrýndi sjónvarp og veraldarvefinn fyrir að stuðla að kynlífi og ofbeldi sem skemmtun. Hann taldi að hægt væri að sjá merki þess í nútímasamfélagi að eitthvað væri ekki eins og það ætti að vera. Þetta kemur fram á fréttavef BBC.