Súdan samþykkir tengsl að nýju við Chad

Forseti Súdan, Omar Hassan al-Bashir hefur samþykkt að taka aftur upp stjornmálatengsl við Chad. Skorið var á þau tengsl í maí þegar uppreisnaseggir frá Chad réðust á Khartorum höfuðborg Súdan.

Ríkistjórn Senegal tilkynnti þetta eftir fund í gær með utanríkisráðherrum Súdan og Chad. Þar voru einnig fulltrúar frá Afríkubandalaginu sem hafa þann tilgang að standa vörð um friðarsamning sem gerður var í mars síðastliðnum á milli þessara tveggja þjóða.

Omar Hassan al-Bashir var sjálfur nýlega kærður fyrir þjóðarmorð og stríðsglæpi fyrir Alþjóðaglæpadómsstólnum í Haag og gæti hann átt yfir höfði sér handtökubeiðni frá dómstólnum. Stjórnvöld í Súdan viðurkenna hins vegar ekki dómsstólinn.

Chad á landamæri við Súdan við Darfurhérað og hafa því margir flúið Súdan yfir landamærin til Chad og uppreisnamenn í Darfur héraði oft elt flóttamenn yfir landamærin.