Sjötug kona er nýbökuð mamma

Kona sem sögð er vera sjötug að aldri ól tvíbura í Uttar Pradesh á Indlandi í gær. Konan varð þunguð eftir tæknifrjóvgun. Konan, sem heitir Omkari Panwar, hefur ekkert fæðingarvottorð, en ef hægt verður að sannreyna aldur hennar er hún elsta móðir í heimi. Tvíburarnir, drengur og stúlka, vógu bæði tvö pund og komu í heiminn einum mánuði fyrir tímann. Þau voru tekin með keisaraskurði.

Foreldrar barnsins þráðu karlkyns erfingja svo heitt að þau eyddu sparnaði sínum í tæknifrjóvgunina og tóku bankalán að auki. Faðir tvíburanna, Charam Sing, segir foreldranna vera þakklátir guði fyrir að hafa loksins svarað bænum þeirra. Omkari Panwar á fyrir tvær dætur og fimm barnabörn.