Fjöldi talibana féll í loftárásum

Hersveitir á vegum afganskra stjórnvalda og bandamanna í Afganistan felldu í nótt 35 talibana eftir að hópur talibana gerði árás á tvo bæi í austurhluta landsins, nærri landamærunum að Pakistan. Frá þessu greindi lögreglustjóri héraðsins í morgun.

Banaríkjamenn segja hins vegar að 22 talibanar hafi fallið. Alls voru um hundrað uppreisnarmenn í árásarhópnum en þeim var stökkt á brott eftir hörð átök við hersveitirnar. Það voru svo orrustuþotur sem felldu mennina þar sem þeir höfðu leitað skjóls.

Árásum talibana í austurhluta Afganistans hefur fjölgað allnokkuð að undanförnu og saka afgönsk stjórnvöld Pakistana um að skjóta skjólshúsi yfir þá.