Betancourt komin til Frakklands

Hin fransk-kólumbíska Ingrid Betancourt er komin til Frakklands tveimur dögum eftir að hún var frelsuð úr gíslingu. Henni var fagnað eins og hetju við komu hennar til Frakklands. Nicolas Sarkozy Frakklandsforseti tók á móti henni en hann hefur barist fyrir frelsun hennar úr gíslingu.

Betancourt var frelsuð úr höndum FARC-skæruliðanna ásamt 14 öðrum gíslum. Henni hefur verið haldið í gíslingu þeirra í 6 ár eða síðan hún bauð sig fram í forsetakosningum í Kólumbíu árið 2002.

Sarkozy lofaði styrk fjölskyldu hennar og taldi frelsun hennar hafa gefið heiminum von. Betancourt hrósaði Sarkozy og sagðist standa í þakkarskuld við Frakkland samkvæmt fréttavef BBC.

Betancourt fæddist í Kólumbíu en ólst að mestu upp í Frakklandi.