ESB heitir að gefa fé til uppbyggingar í Kosovo

Evrópusambandið hefur heitið að gefa 500 milljónir evra í sjóð til styrktar uppbyggingu í Kosovo. Hið nýstofnaða ríki er að reyna að safna 1,5 milljörðum evra til þess að byggja upp land og þjóð. Kosovo lýsti yfir sjálfstæði frá Serbíu í febrúar síðastliðnum eftir að hafa verið verndarsvæði Sameinuðu Þjóðanna í 9 ár eftir Kosovostríðið.

Stór hluti fjárhæðarinnar mun að öllum líkindum fara í að borga upp skuldir fyrrum Júgoslavíu sem Kosovo erfði frá Serbíu við að lýsa yfir sjálfstæði.

5 milljörðum Bandaríkjadala hafa verið dælt inn í landið síðustu tíu ár en talið er að önnur tíu ár líði þangað til stöðugleiki ríki í landinu.

Meira en 40 ríki hafa viðurkennt sjálfstæði Kosovo en Serbía með stuðning Rússa hafa reynt að halda þeim fyrir utan hin ýmsu alþjóðasambönd sem gæti gefið landinu meira fé.